Бүгүн, алтынньы 9 күнүгэр, Нөмүгү нэһилиэгэр Аҕам саастаах дьон декадаларын чэрчитинэн, «Түһүлгэ» КК үлэһиттэрэ култуура эйгэтин бэтэрээннэрин эҕэрдэлээтилэр. Ермолаева Анна Алексеевна, Рафаилова Светлана Ефимовна, Егорова Надежда Егоровна уонна Васильева Наталья Николаевна кулууп үлэһиттэриттэн сэмэй бэлэх туттулар, эҕэрдэ истиҥ тылларын иһиттилэр. Бу этиллибит дьон нэһилиэк, улуус, өрөспүүбүлүкэ култуурата барҕарарыгар, духуобунас үрдүүрүгэр ситимнээх, сайыннарыылаах үлэ ыытан, бэйэлэрин кылааттарын киллэрбиттэрэ.
Убаастабыллаах аҕам саастаах дьоммутугар сырдыкка-кэрэҕэ уҕараабат тапталгыт уонна ону дьоҥҥо-сэргэҕэ үллэстэргит иһин махтал тыллары этэбит. Эһиэхэ үтүө доруобуйаны, этэҥҥэ буолууну баҕарабыт. Муударай сүбэҕитинэн-амаҕытынан ыччаттаргытын такайа сылдьын, үтүөҕэ-сырдыкка угуйа-ыҥыра туруҥ!
Маркова С. М.
