Алтынньы ый 24 күнүгэр ,,Түһүлгэ,, култуура киинигэр олохтоох нэһилиэнньэҕэ ИЙЭ уонна АҔА күннэрин чэрчитинэн ,,Кини кимий?,, диэн интеллектуальнай оонньуу тэрийэн ыыттыбыт.
Онньууга Нөмүгү нэһилиэгин ытык олохтоохторун, Саха Өрөспүүбүлүкэтин, Россия уонна тас дойду биллэр-көстөр дьоннорун хаартыскаларын таайтаран бэрт сэргэхтик ааста.
Оонньууга түөрт хамаанда көхтөөх кыттыыны ылла: ,,Чуораанчык,, оҕо уһуйаанын иитээччилэрэ, ,,Тэтим,, оскуола эдэр учууталлара, ,,Ньургуһун,, кулууп түмсүүтүн кыттааччылара уонна ,,Тобул,, оскуола учууталлара.
Оонньуу үс түһүмэҕинэн буолла.
Маҥнайгы түһүмэххэ ,,Чуораанчык,, уонна ,,Тобул,, хамаандалар киирсэннэр кыайыыны учууталлар ситиһэн түмүк киирсиигэ аастылар.
Иккис түһүмэххэ ,,Тэтим,, уонна ,,Ньургуһун,, хамаандалар тыҥааьыннаах киирсии кэннэ эдэр учуутал кыргыттар кыайыыны ыллылар.
Түмүк киирсиигэ икки учууталлар хамаандалара күөн көрүстүлэр. Ыарахан, эрийсиилээх киирсии кэннэ кыайыылаах үрдүк аатын ,,Тобул,, хааманда ылла. Үөрүүлэрин ситэрэн уу харчыннан наҕараадаланнылар. Кыттыбыт дьоммутугар туоһу сурук туттардыбыт.
Саҥа, сонун оонньууну сөбүлээн кыттыбыт дьоммутугар барҕа махталбытын тиэрдэбит. Өссө да инникит кыттыахтара диэн эрэнэбит. Эбии хартыскалар бу сылканнан clck.ru/3Q3rwu ,,Түһүлгэ,, култуура киинэ.
