Ахсынньы алыптаах күннэрэ үүнэннэр, кэтэһиилэх Саҥа Дьылбыт буолара ыйтан кыра хаалла. Нөмүгү нэһилиэгэр сыл бүтэһик ыйын 1 күнүгэр киэһэ 17 чааска «Түһүлгэ» култуура киинин таһыгар лаглайбыт хойуу лабаалардаах, симэммит, киэркэйбит харыйабыт тула бар дьон тоҕуоруһа муһуннулар. Кутуйах, Куобахчаан, Дракон ырыа-тойук аргыстаах, флешмоб үҥкүүлээх, минньигэс кэмпиэт кэһиилээх кэлэннэр, оҕо-аймах үөрүүтүн үксэттилэр. Тымныы Моруос оҕонньор сиэн кыыһынаан Хаарчааналыын бу бэлиэ түгэҥҥэ күүтүүлээх ыалдьыт буоллулар, фейерверк уоттара чаҕылыйа сандааран, бу бырааһынньыгы киэргэттилэр. Уон иккис сылын буолар «Кыһын Саха сириттэн саҕаланар» бэстибээл чэрчитинэн ыытыллар тэрээһин — нэһилиэкпит күөх харыйатын уота сандаара умайыыта кэрэни, үтүөнү түстээтин, кэлэр Саҥа 2025 сылга элбэх үчүгэйи, үтүөнү-кэрэни аҕаллын!
Бу үөрүүлээх түгэҥҥэ оҕолорго минньигэс кэһии уонна салют бэлэх ууммут урбаанньыттарбытыгар: «ДЭЛЭЙ» маҕаһыыҥҥа (Ноев А.В.), «УСПЕХ» маҕаһыыҥҥа (Матвеева В.Е.), «ҮРДЭЛ» маҕаһыыҥҥа (Острельдин Нь.Г.), «НӨМҮГҮ ПОЛУФАБРИКАТ» (Борисов М.С.), ИП КОНОНОВ А.А., «ЛАЙК ЧИКЕН» (Кондакова С.Д.), ИП РОМАНОВ Л.С., «ЛЕВ СЕРВИС» (Никифоров Л.В.), «ВКУС МОРЯ» (Петрова Е.И.) барҕа махталбытын тиэрдэбит.
Маркова С. М.
Харыйа сандаарар түгэнин видеотын, уо.д.а. сонуннары бу ссылканан киирэн көрүөххүтүн сөп: МБУ ЦК «Тусулгэ» с. Ой
