Сэтинньи ый 21, 25 күннэригэр «Түһүлгэ» култуура киинигэр С. П. Федотов аатынан Нөмүгүтээҕи норуодунай тыйаатыр 39-с сезонун арыйан «ТЫЙААТЫРГА БИИР ТҮҮН» тэрээһин буолан ааста. Бу тэрээһиҥҥэ 9 инсталляция: «Дьулуруйбут Ньургун Боотур» кинигэ иллюстрацията «Бухатыыр кыыс Күн Дьирибинэ», Анатолий Козлинский «Новогодняя передача», Валентин Серов «Девочка с персиками», И. Пестряков «Кэргэн кэпсэтии», Федор Решетников «За мир», Фрида Кало «Автопортрет», Зинаида Серебрякова «За туалетом», Иннокентий Корякин «Охчуттар» көрдөрүлүннэ. Тыйаатыр артыыстара уонна оскуола оҕолоро-эдэр артыыстар бэрт итэҕэтиилээхтик көрдөрөн, көрөөччүлэри биллиилээх худуоһунньуктар үлэлэрин нөҥүө араас бириэмэҕэ, кэмҥэ ыалдьыттаттылар.
