Бүтүн Арассыыйаҕа Дьиэ кэргэн, Саха Өрөспүүбүлүкэтигэр Оҕо саас сылын чэрчитинэн «Сардаҥалаах аартык-2024» республиканскай күрэх ааспыт нэдиэлэҕэ куйаар ситим нөҥүө буолан ааста. «Түһүлгэ» култуура киинин иһинэн үлэлиир ырыа ансаамбыллара бу күрэххэ ситиһиилээхтик кытыннылар. «Талба» вокальнай ансаамбыл III истиэпэннээх лауреат, «Мичилий» вокальнай ансаамбыл I истиэпэннээх лауреат, «Хотой» квартет I истиэпэннээх лауреат аатыгар тиксибиттэрэ, дипломнарынан, значоктарынан уонна кубоктарынан наҕараадаламмыттара. «Түһүлгэ» КК хормейстера Юлия Юрьевна Попова, бу ансаамбыллар салайааччылара, «Лучший академический вокал» уонна «Лучший руководитель вокального коллектива» номинацияларга кыайан, эмиэ Диплом, значок уонна кубок ылбыта.
«Сардаҥалаах аартык» тэрийээччилэригэр — Өктөмнөөҕү «Барҕарыы» култуура киинин бары үлэһиттэригэр бэйэбит махталбытын уонна үлэлэригэр элбэх ситиһиини баҕарабыт.
